मकवानपुर, २१ माघ ।
मकवानपुर प्रहरीले लागुऔषध ओनरेक्ससहित एक जनालाई पक्राउ गरेको छ । पक्राउ पर्नेमा भारतको मोतिहारी जिल्लाका १७ वर्षीय आरके यादव रहेको जिल्ला प्रहरी कार्यालय मकवानपुरले जनाएको छ ।
शनिबार बिहान ६ बजेर २५ मिनेटको समयमा वीरगञ्जबाट हेटौँडा हुँदै नारायणगढतर्फ जाँदै गरेको ना ७ ख ३५०९ नम्बरको बसलाई जाँच गर्ने क्रममा बसमा सवार यादवको साथबाट लागुऔषध बरामद भएको प्रहरीले जनाएको छ । शरीरमा टेपले टाँसेर ल्याएको ६० पिस ओनरेक्स लागुऔषध फेला पारी बरामद गरेको प्रहरीले जनाएको छ । उक्त लागुऔषधसहित यादवलाई नियन्त्रणमा लिइ अनुसन्धान भइरहेकाे जिल्ला प्रहरी मकवानपुरले जनाएकाे छ । प्रहरीका अनुसार बसलाई शनिबार नै गन्तव्यतर्फ पठाइएकाे छ ।
