भरतपुर, ९ माघ ।
रामेश्वर पुस्तकालय तथा वाचनालय एवम् सारथि बचत तथा ऋण सहकारी संस्था लि. द्वारा शनिबार संयुक्तरुपमा आयोजित बाल भेला कार्यक्रम अन्तर्गत खुल्ला चित्रकला, हस्तलेखन, म्युजिकल चियर, खुल्ला हाजिरीजवाफ प्रतियोगिता सम्पन्न भएको छ ।
कार्यक्रमको अध्यक्षता पुस्तकालयका कार्यवाहक अध्यक्ष विष्णुप्रसाद वाग्ले एवम् सारथि बचत तथा ऋण सहकारी संस्था लि. का अध्यक्ष विष्णुकुमार श्रेष्ठले गरेका थिए । कार्यक्रमको उद्घाटन पुस्तकालयका सल्लाहकार शरदरञ्जन श्रेष्ठले गरेका थिए । उक्त कार्यक्रम सारथि सहकारीकी कल्पना पन्तले संचालन गरेकी थिइन् । कार्यक्रममा पुस्तकालयका नियमित बालबालिका र सारथि सहकारीको बाल बचतका बालबालिकाहरुको उल्लेखनीय सहभागिता थियो ।
चित्रकला प्रतियोगितामा प्रथम प्रिन्स गुरुङ, द्वितीय लक्ष्मी शाक्य, तृतीय विभान गुप्ता, सान्त्वना पार्थ प्रधान र आरभ प्रधान भए । हस्तलेखनमा प्रथम दर्शना देवकोटा, द्वितीय तृषा अधिकारी, तृतीय विद्या गुरुङ र सान्त्वना शिरिष श्रेष्ठ भए । म्युजिकल चियरमा प्रथम सना खातुन, द्वितीय सिजल श्रेष्ठ र तृतीय पार्थ प्रधान भए ।