भरतपुर, ८ माघ ।
सैनिक आवासीय महाविद्यालय चितवनले जिल्लास्तरीय अन्तर विद्यालय एसएएमसी स्पेल बी प्रतियोगिताको तेस्रो संस्करण माघ १२ गते गर्ने भएको छ ।
सैनिक आवासीय महाविद्यालय चितवनले २०७८ सालदेखि प्रत्येक वर्ष सञ्चालन गर्दै आइरहेको जिल्लास्तरीय अन्तर विद्यालय स्पेल बी प्रतियोगिता चितवनका विभिन्न संस्थागत र सामुदायिक विद्यालयबीच गर्न लागेको हो ।
उक्त कार्यक्रमको पूर्वसन्ध्यामा सोमबार सहभागी विद्यालयका शिक्षकहरूबीच अभिमुखीकरण कार्यक्रम सम्पन्न भएको छ । सो कार्यक्रममा स्पेल बी मास्टर पुष्पा अर्यालले प्रतियोगिताको नियम तथा सञ्चालन प्रक्रियाका सम्बन्धमा जानकारी दिएकी थिइन् । महाविद्यालयका प्रिन्सिपल बाबुराम बन्जाडेले उत्साहजनक रूपमा भएको सहभागिता र स्पेल बीको लोकप्रियता बढ्दै गएकोमा सहभागी विद्यालयहरूलाई शुभकामना व्यक्त गरेका थिए ।
