भरतपुर, २७ पुस ।
नारायणगढ लेडी जेसीजको २७औँ पदहस्तान्तरण तथा पदस्थापन कार्यक्रम सम्पन्न भएको छ । जेसी हिमा श्रेष्ठ नारायणगढ लेडी जेसीजको वर्ष २०२४ को अध्यक्षमा पदस्थापित भएकी छन् । नेपाल जेसीज वर्ष २०२४ का रास्ट्रिय अध्यक्ष जेसीआइ सिनेटर रबिन पोख्रेलको प्रमुख आतिथ्यमा कार्यक्रम गरिएको हो ।
कार्यक्रममा नेपाल जेसीजका पुर्व राष्ट्रिय अध्यक्ष सिनेटर अरुणेश्वर खनाल, नारायणगढ लेडी जेसीजका निरुपित राष्ट्रिय कार्यकारिणी उपाध्यक्ष सिनेटर अनुप
सुनुवार, निरुपित राष्ट्रिय उपाध्यक्ष जेसी स्वपना पौडेल, भरतपुर महानगरपालिका वडा नम्बर १ का वडाध्यक्ष केशव महर्जन, नारायणगढ जेसीजका पूर्व अध्यक्ष एवं नेपाल जेसीजका रास्ट्रिय उपाध्यक्ष जेसी अमर घिमिरे, नेपाल जेसीजका राष्ट्रिय उपाध्यक्ष जेसी सौरभ श्रेष्ठ, नारायणगढ लेडी जेसीजका संरक्षक एवं पूर्व अध्यक्ष विश्वशान्ति पियालगायतको उपस्थिति थियो ।
उक्त कार्यक्रममा नारायणगढ लेडी जेसीज वर्ष २०२३ का अध्यक्ष जेसी सुस्मिता श्रेष्ठले वर्ष २०२४ का अध्यक्ष जेसी हिमा श्रेष्ठ एवं वर्ष २०२४ का सम्पूर्ण बोर्डलाई सपथ ग्रहण गराइ पदस्थापन गराएकी थिइन् ।
