माडी, ३० मंसिर ।
माडीमा जिल्ला स्तरीय क्रिकेट कप-२०८० हुने भएको छ ।
बसन्तपुर युथ क्लबको आयोजनामा चितवन जिल्ला स्तरीय क्रिकेट कप-२०८० आयोजना हुने भएको हो । आगामी माघ २७ गतेदेखि फागुन ५ गतेसम्म माडीको बसन्तपुरस्थित खेल मैदानमा प्रतियोगिता सञ्चालन गर्न लागिएको क्लबका अध्यक्ष पदमविलास पन्तले जानकारी दिए ।
प्रतियोगितामा माडीका ४ टिमसहित कुल ८ टिमको सहभागिता रहने छ । प्रतियोगितामा विजेता हुने टिमलाई नगद रु १ लाख र उपविजेता हुने टिमलाई नगद रु ५० हजार सहित शिल्ड, मेडल र प्रमाणपत्र प्रदान गर्ने आयोजकले जनाएको छ । प्रतियोगिता सम्पन्न गर्न सात लाख पचास हजार रुपैयाँ लाग्ने आयोजकले अनुमान गरेको छ । क्लबले लामो समयदेखि माडी क्षेत्रमा खेलकुदका कार्यक्रमलाई निरन्तरता दिएको छ ।
