मकवानपुर, १ कात्तिक ।
मकवानपुरको बागमती गाउँपालिकामा आफ्नै दाइमाथि खुकुरी प्रहार गर्ने भाइलाई प्रहरीले पक्राउ गरेकाे छ । बागमती वडा नं.९ बेतिनी अगौटेमा आफ्नै दाइमाथि खुकुरी प्रहार गरी फरार रहेका भाइलाई प्रहरीले मंगलबार पक्राउ गरेको हाे ।
अगौटे बस्ने ४८ वर्षीय अशोक तुम सिंहलाई खुकुरी प्रहार गरी फरार रहेका ४७ वर्षीय जीवनबहादुर तुम सिंहलाई पक्राउ गरिएको मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।
भाइ जीवनले आफ्नै दाइ अशोकलाई गत असोज २८ गते साँझ खुकुरी प्रहार गरेका थिए ।
प्रहरीका अनुसार खुकुरी प्रहारबाट अशोकको घाँटी र दाहिने हातमा काटेको थियो । पक्राउ परेका जीवनमाथि आवश्यक अनुसन्धानका साथै कानूनी प्रकृया अगाडि बढाइएको जिल्ला प्रहरी कार्यालय मकवानपुरले जनाएको छ ।
