भरतपुर, १० वैशाख ।
चितवन निर्वाचन क्षेत्र नम्बर २ मा नेपाली कांग्रेसका उम्मेदवार जितनारायण श्रेष्ठले मतदान गरेका छन् ।
उनले कालिका नगरपालिकास्थित चतुर्मुखी माध्यामिक विद्यालय मतदान केन्द्रबाट मतदान गरेका हुन् ।
चितवनमा बिहान ७ बजेदेखि शान्तिपूर्ण रुपमा मतदान भइरहेको छ । चितवन निर्वाचन क्षेत्र नम्बर -२ मा एक लाख २४ हजार ६९५ मतदाता कायम भएका छन् । जहाँ मंसिर ४ मा निर्वाचन हुँदाकाे भन्दा ४८० मतदाता थपिएका छन् ।
इच्छाकामना गाउँपालिका र कालिका नगरपालिकासहित चितवन-२ मा भरतपुर महानगरपालिकाका २९ मध्ये १० वटा वडाहरू पर्दछन् । चितवन-२ मा दलबाट १२ र स्वतन्त्र १० गरी कुल २२ उम्मेदवार चुनावी मैदानमा छन् ।
चितवनमा मतदान स्थल ४३ र मतदान केन्द्र १३८ रहेका छन् ।
