भरतपुर, १२ असार ।
चितवनका गजलकार सुमन घिमिरे (अविरत सुमन)को सांगीतिक गजल सार्वजनिक भएको छ ।
घिमिरेको लेखेको ‘खै कसोरी बिझाएँ नजरमा तिम्रो….
हिजो सम्म सझिन्थेँ हर प्रहरमा तिम्रो ….’ गजललाई छोरा प्रभाषबाबु घिमिरेको जन्मदिनको अवसर पारेर असार ६ गते सार्वजनिक गरेका हुन् । छोरा प्रभाष यो गजलका प्रस्तुतकर्ता पनि हुन् ।
गजलमा आवाज र संगीत राज सागरले दिएका छन् । भ्वाइस अफ नेपाल स्टुडियोमा रेकर्ड गरिएको यो गजललाई यूट्युबमार्फत सार्वजनिक गरेका हुन् ।
५० को दशकदेखि गजल लेखनमा सक्रिय घिमिरेको यो पहिलो संगीतबद्द गजल हो । घिमिरेले थुप्रै गजल सिर्जना गरेका छन् भने अधिकांश गजल प्रकाशित छन् ।
