धादिङ, १६ पुस ।
बेनिघाट रोराङ गाउँपालिका वडा नम्बर- ३, धादिङले ७ दिने “नि:शुल्क क्षमता विकास तथा उदघोषण तालिम” सुरु गरेको छ । वडा नम्बर- ३ को कार्यालय मलेखुस्थित सभाहलमा संचालित उक्त तालिममा ३२ जना प्रशिक्षार्थीहरुको सहभागिता छ ।
तालिम उदघाटन समारोहमा वडा नम्बर- ३ का अध्यक्ष भुवन त्रिपाठी, सभापति गाउँपालिका अध्यक्ष पित्तबहादुर डल्लाकोटी `हरि´ प्रमुख अतिथि रहेका थिए भने उक्त कार्यक्रममा स्थानीय जनप्रतिनिधिहरुको समेत उपस्थिति रहेको थियो ।
७ दिने उक्त तालिममा उदघोषणसँग सम्बन्धित पुस्तक `बोल मनको कुरा खोल´का लेखक तथा दुई दशकदेखि सञ्चार क्षेत्रमा क्रियाशील संचारकर्मी मनोज पन्त प्रशिक्षक रहेका छन् ।
वडा सचिव केशरबहादुर भुजेलको संयोजकत्वमा आयोजित तालिममा शर्मिला परियारले सहजीकरण गरेकी थिइन् ।
