काठमाडौँ, ७ जेठ
विपक्षी गठबन्धनले नेपाली कांग्रेसका सभापति शेरबहादुर देउवालाई धारा ७६ (५) अनुसारको प्रधानमन्त्रीका लागि अघि सार्दैछन् । प्रधानमन्त्री बन्नलाई बहुमत सांसदको हस्ताक्षर लिएर विपक्षी गठबन्धनका नेताहरु राष्ट्रपति कार्यालयतर्फ लागेको बुझिएको छ ।
माओवादी केन्द्रका नेता वर्षमान पुनका अनुसार देउवाका पक्षमा १४९ सांसदको हस्ताक्षर संकलन भएको छ । सिंहदरबारस्थित नेपाली कांग्रेस संसदीय दलको बैठकमा भएको तीन दल र माधवकुमार नेपाल समूहका सांसद्हरुको बैठकले देउवाको पक्षमा सहमति जुटाएको हो । माधव नेपाल पक्षका २७ जना सांसद्ले पनि हस्ताक्षर गरेका छन् ।
