भरतपुर, २६ भदौ
नारायणगढ–मुग्लिङ सडक खण्डको चारकिलो नजिकै पहिरो खसेर यातायात अवरुद्ध भएको छ ।
इच्छाकामना गाउँपालिका–६ स्थित उक्त स्थानमा पहिरो झरेको हो । पहिरोका कारण सडक बन्द हुँदा यातायात पूर्णरुपमा अवरुद्ध भएको चितवन प्रहरीले जनाएको छ । सडक बन्द हुँदा सवा्री साधनहरुको लाम लागेको छ । पहिरो पन्छाउने प्रयास भइरहेको चितवन प्रहरीले जनाएको छ ।
यसअघि पनि उक्त स्थान नजिकै चारकिलो भन्ने स्थानमा पहिरो गएर लामो समयसम्म यातायात अवरुद्ध बन्दै आएको थियो ।
