भरतपुर, २६ असार ।
सबैखाले पुस्तक बिक्री गर्दै आइरहेको सुनगाभा बुक हाउस नारायणगढले दोस्रो बिक्री केन्द्र शुभारम्भ गरेको छ । लायन्सचोक नजिकै पहिलो बिक्री केन्द्र रहेको सुनगाभाले बालकुमारी कलेज गेटअगाडि दोस्रो बिक्री केन्द्र सोमबार सुरु गरेको हो ।
नेपाल पुस्तक तथा स्टेशनरी व्यवसायी महासंघ चितवनका अध्यक्ष किरण खनालले पसल उद्घाटन गरे । सुनगाभाका सञ्चालक लेखराम सापकोटाले विशेषगरी साहित्यिक किताब बेच्दै आएको सुनगाभाले अब सबैखाले स्टेशनरी पनि उत्तिकै बिक्री गर्ने बताए । अर्का सञ्चालक लक्ष्मी चापागाईंको अध्यक्षतामा कार्यक्रम सम्पन्न भएको थियो ।
