भरतपुर, १२ भदौ ।
पाकिस्तान र इंगल्याण्डबीचको तीन खेलको टीट्वान्टी शृंखला आजदेखि सुरु हुँदैछ । यी दुई टोलीबीचको पहिलो टी-ट्वान्टी अन्तर्राष्ट्रिय खेल आज राति नेपाली समयानुसार १०ः४५ बजे म्यानचेष्टरमा खेलिदै छ । इंग्लिस टोलीको कप्तानी बाँया हाते ब्याट्सम्यान इयोन मोर्गनले गर्नेछन् भने मिन इन ग्रीनको कप्तानी बाबर अजामले सम्हाल्नेछन् । टेष्ट शृंखलामा पाहुना टोलीलाई १-० ले हराएको इंगल्याण्ड उही लयलाई कायम राखी टी-ट्वान्टी शृंखला पनि जीत निकाल्न केन्द्रित रहनेछ । यता पाकिस्तान भने टेष्ट शृंखलामा बेहोरेको हारको बदला लिने मनसायका साथ मैदान उत्रिनेछ ।

यी दुई टीट्वान्टी अन्तर्राष्ट्रिय खेलमा १५ पटक आमनेसामने भएका छन् । जसमध्ये १० खेलमा इंगल्याण्डले बाजी मारेको छ भने ४ मा पाकिस्तानले जीत हात पारेको छ । बाँकी एउटा टाइ बनेको खेलमा भने इंगल्याण्डले सुपर ओभरको सहायताले जितेको थियो ।