खैरहनी, ६ साउन
राप्ती नदीमा आएको बाढीमा परेर बेपत्ता भएका एक जनाको शव फेला परेको छ । खैरहनी नगरपालिका ११ कुमरठ्ठाका २९ बर्षीय राजु बोटेलाई सोमबार बाढीले बगाउदा बेपत्ता भएका थिए ।
सोमबार अपरान्ह ५ बजे तिर बेपत्ता भएका बोटेको शव मंगलबार बिहान फेला परेको इलाका प्रहरी कार्यालय खैरहनीका प्रहरी निरीक्षक ऋषिराम घर्ती मगरले जानकारी दिए ।
खैरहनी १३ सिम्रेनीघाटको नदी किनारमा उनको शव फेला परेको थियो । बोटे बेपत्ता भएको स्थान लामाघाट भन्दा करिब ५ किलो मिटर तल शव भेटिएको प्रहरी निरीक्षक मगरले बताए । साथिहरु संग माछा मार्न गएका उनलाइ बाढीले बगाएको थियो ।
प्रहरी र स्थानीयबासि बिहानै देखि बेपत्ता भएका बोटेको खोजीमा जुटेका थिए । यसअघि सोमबार बेलुका पनि नेपाली सेना, सशस्त्र प्रहरी, नेपाल प्रहरी र स्थानीयबासिले खोजी गरे पनि अँध्यारो भएकाले खोजीमा समस्या भएको थियो ।
