भरतपुर, २७ असार(कायाकैरन)
ट्रोल काभ्रे, नेपाली पोयट्री, नेपाल साहित्यिक संसारद्वारा संयुक्त रुपमा आयोजित राष्ट्रव्यापी कविता लेखन तथा वाचन प्रतियोगिताको उपाधी बिदिर्ण विवेकले जितेका छन् ।
जुम एपमार्फत गरिएको प्रतियोगितामा सरु बस्नेत द्वितीय र कृष्णजंग कुँवर तृतय भए । त्यसैगरी चौथो स्थान दलबहादुर गुरुङ र पाचौं स्थान पुष्पा ओझाले प्राप्त गरे । प्रथम हुनेले ३ हजार, द्वितीय हुनेले १ हजार ५ सय र तृतीय हुनेले ५ सय रुपैयाँ पुरस्कार प्राप्त गरे । प्रतियोगितामा ८ जना प्रतियोगिहरु सहभागि थिए ।
उक्त प्रतियोगिताका निर्णायक भुपी सरोवर, राजेन्द्र ओझा “नयन“ र सुशान्त थापा रहेका थिए । कार्यक्रम लोक जोशीको अध्यक्षतामा भएको थियो । कार्यक्रमको संयोजन आयुष बडालले गरेका थिए ।
