भरतपुर, १८ असार
नेपालमा पछिल्लो चौबीस घण्टामा थप ४ सय ७३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयकाअनुसार देशभरमा अहिलेसम्म कोरोना संक्रमण हुनेको संख्या १४ हजार ५१९ पुगेको छ । २४ घण्टामा पीसीआर परीक्षण ४ हजार ५३७ जनाको भएको थियो । अहिलेसम्म २ लाख ३७ हजार ७६४ जनाको पीसीआर परीक्षण भएको मन्त्रालयले जनाएको छ ।
मन्त्रालयका प्रबक्ता डा।जागेश्वर गौतमकाअनुसार अहिलेसम्म नेपालमा कोरोना भाइरस संक्रमण निको भएर घर फर्किनेको संख्या ५ हजार ३२० जना रहेका छ । पछिल्लो चौबीस घण्टामा ६ सय ६४ जना डिस्चार्ज भएका छन् ।
अहिले देशभरका क्वारेन्टिनमा ३८ हजार १०९ जना छन् । आइसोलेसनमा १० हजार १ सय ३७ जना छन् ।
