अमिर रामदाम
भरतपुर, ०५ जेष्ठ । नारायणगढ जेसिजको आयोजनामा सोमबार प्रभावकारी भाषण तथा व्यक्तित्व विकास तालिम एक भव्य कार्यक्रमका विच सम्पन्न भएको छ । कुनै पनि कार्यक्रम संचालन वा कुनै सभा समारोहलाई सम्बोधन गर्दा कसरी प्रभावकारी बनाउन सकिन्छ भन्ने विषयमा कार्यक्रम केन्द्रित रहेको थियो ।
कार्यक्रममा नारायणगढ जेसिजका पूर्व अध्यक्ष सेवन पन्तले प्रभावकारी भाषण कला (ईपिएस) सम्बन्धी प्रशिक्षण दिनुभएको थियो भने प्रशिक्षणमा नारायणगढ जेसिज वर्ष २०१७ का महासचिव अनोज जोशी, कानुनी सल्लाहकार अर्जुन अधिकारीले सहजीकरण गर्नुभएको थियो । नारायणगढ जेसिज वर्ष २०१७ का तालिम आयुक्त रुद्र प्रसाद सापकोटाको संयोजनमा भएको कार्यक्रममा नेपाल जेसिजका पूर्व राष्ट्रिय उपाध्यक्ष जेसिआई सिनेटर सुदिप सिहं अधिकारी, नेपाल जेसिजका पूर्व राष्ट्रिय कोषाध्यक्ष विष्णु लम्साल, पूर्व अध्यक्षहरु खेमराज भट्टराई, मनोज राज श्रेष्ठले मन्तव्य राख्नु भएको थियो ।
कार्यक्रम नारायणगढ जेसिज वर्ष २०१७ का अध्यक्ष बाबुराम रामदामको अध्यक्षतामा सम्पन्न भएको थियो भने कार्यक्रममा २५ जनाको सहभागिता रहेको थियो ।