३ असार । गोकर्णेश्वर नगरपालिकाको विपि चोक स्थित एक गाईफार्ममा आगलागी हुँदा एक सय भन्दा बढी गाई मरेका छन् ।
शनिबार बिहान ११ बजेतिर ओम कृषि फार्ममा आगलागी भएको थियो । फार्ममा होल्याण्ड जातका ७५ वटा दुहुनो गाई, २२ ब्याउने र बाच्छाबाच्छी गरी १ सय २२ थिए ।
नेपाली सेना र प्रहरीको टोलीको सहयोगमा आगो निभाइएको थियो । आगलागीबाट १२ टन दाना, डेढ सय गाईलाई ओछ्याउने म्याट जलेका छन् भने २ सय २० लम्बाई र ४० फिट चौडाई रहेको गोठ पूरै जलेको छ ।
