सुदिप निउरे

पहिलो चरणको स्थानिय तह निर्बाचन ताका अन्य क्षेत्रमा जस्तै चितवनको माडीक्षेत्रमा पनि बिभिन्न दलहरुले आ-आफ्नै महत्वकांक्षी योजनाहरु अगाडी सारे । सबै भन्दा धेरै योजनाहरु माओबादी केन्द्रले अगाडी सारेको थियो । त्यसैगरि नेकपा एमाले, नेपाली कांग्रेश र राष्टिय प्रजातन्त्र पार्टीले पनि आ-आफ्ना एजेन्डाहरु निर्बाचन अघि जनतासामु ल्याएका थिए । सडक, तटबन्धन, खानेपानी लगायत आधारभूत आबस्यकताहरुका साथै शिक्षा, स्वास्थ्य, पर्यटन् तथा निकुन्जको प्रभाब न्युनिकरणलाइ दलहरुले बिशेष जोड दिएका थिए । सुकुम्बासीलाई लालपुर्जा दिलाउने देखी लिएर माडी उपत्यकाभित्र चक्रपथ निर्माण गर्ने प्रतिबद्दता पनि निर्वाचनअघि दलहरुले गरे । समाजिक सन्जाल भरी माओबादी केन्द्रका एजेन्डा अन्न्य दलहरुको तुलना भन्दा ब्यापक पाइए पनि त्यस्को पछि पछि नेकपा एमालेले आफ्ना एजेन्डालाइ जोड् दिएको पाइन्थ्यो । नेपाली कांग्रेश र राष्टिय प्रजातन्त्र पार्टीले पनि आफ्ना आफ्ना एजेन्डा लिएर प्रत्यक माडीबासीको घर-घरमा पुगे ।
जनताको घरदैलो कार्यक्रममा सबै दल उत्तिकै खटिए । सबै दलले ल्याएका अधिकांश एजेण्डा मिल्दा जुल्दानै भएपनि माओबादी केन्द्रले एजेन्डाको लिखीत ठेलीनै लिएर जनतामाझ गएको थियो । तुलनात्मकरुपमा अन्य दलले भने त्यसो गरेको पाईएन । माओबादीले चुनाबका लागी ४७ बुदे प्रतिबद्दताहरु प्रस्तुत गरेपनि महत्वपूर्ण र महत्वकांक्षी योजनाहरु अगाडी सारेपनि बांदरमुढे घटना पिडितका सन्दर्भमा भने एक बुदा पनि उल्लेख गरेको थिएन । मृतक परिवार, घाईते तथा उनिहरुमा आश्रीत परिवार सम्बन्धि कुनै पनि एजेन्डा अगाडी ल्याएको थिएन् । अहिले स्थानिय तह निर्बाचन सम्पन्न भैसकेर माडी नगरपालीकाले मेयर/उपमेयर / प्रत्यक वडाका एक-एकजना वडाध्यक्ष गरी ९ जना, लगाएत सदस्यहरु गरि जनप्रतिनिधी पाएको छ । नेकपा माओबादी केन्द्र , नेकपा एमाले, नेपाली कांग्रेश तथा राष्टिय प्रजातन्त्र पार्टी लगायत दल निर्बाचनमा सामेल भए पनि उल्लेखित ४ दलको निक्कै कडा प्रतिस्प्रधा भएको र न्युन मत अन्तरले जित हात परेका कारण पनि नया माडी निर्माणमा प्रतिनिधित्व गरेका सबै दलको उत्तिकै दायित्व देखीन्छ । निर्बाचन ताका सामाजिक संजाल रंगाएका दलहरुले अब बोलेका कुरा गरेर देखाउने समय आएको छ । जनताको लागी दलहरुले जिम्मेवारी पुरा गर्ने समय पनि यहि हो । मेयरमा माआबोदी केन्द्रका ठाकुर ढकाल बिजयी भएको भएपनि निर्बाचित कमिटी भित्र एमालेको प्रतिनिधीत्व धेरै छ । त्यसैगरि नेपाली काँग्रेस त्यसपछिको रोलक्रममा छ, भने राष्टिय प्रजातन्त्र पाटीको सहभागीता पनि नगरपालीका रहेको छ । मेयर पदमा माओबादी केन्द्रले जित हात परेको हुनाले निर्बाचनमा उस्ले अगाडी सारेका महत्वकांक्षी योजनाहरु पुरा गर्नै पर्ने नैतिक दायीत्व उस्लाई बढी छ ।

त्यसैगरी निर्बाचित जनप्रतिनिधीमा एमालेको बहुमत भएकोले एमालेले पनि निर्बाचनमा जनतासामु बोलेका सबैकुरा पुरा गर्नै पर्ने नैतिक दबाबमा छ । यस्तै नेपाली कांग्रेश र राष्टिय प्रजातन्त्र पार्टीको अगाडी पनि माडीको लागी केहि गर्नै पर्ने महत्वपुर्ण जिम्मेवारी आएको छ । बहुमत प्रतिनिधी सहित चुनाव जितेकालाई जनताले दिएको म्यान्डेड पुरा गर्ने अबसर आएको छ भने प्रतिनिधीत्व मात्रै भएका दलहरुलाई आगामी निर्बाचनका लागी थप मजबुद बन्नका लागी मेहनत गरेर देखाउनै पर्ने दवाव छ ।

यस्तै ,नेकपा एमालेको तर्फबाट माडी नगरपालिकामा मेयरका उमेदवार नारदमणी पौडेल पराजय भएको भएपनि बहुमत नगर सदस्य एमालेबाट बिजयी छन । निर्बाचन लगत्तै माडी नगरपालिकामा राजनैतिक समीकरण समेत बनेको छ । त्यस राजनैतिक समीकरणमा ५० जनाको नगरसभा बनेको छ । यस नगरसभामा नेकपा एमालेबाट २८ जना ,नेपाली कांग्रेसबाट ३ जना , माओबादी केन्द्रबाट १८ जना र राप्रपाबाट १ जना छन । त्यस्तै १९ जनाको कार्यपालिकामा नेकपा एमालेबाट १४ जना , माओबादी केन्द्रबाट ४ जना , नेपाली कांग्रेसबाट १ जना छन् भने राप्रपाको कार्यपालिकामा सहभागीता शुन्य छ ।

त्यसैले माडीबासीसामू नेकपा एमालेले पनि ठूलो जिम्मेवारी निर्बाह गर्नु पर्ने दायित्व छ । जित जस्को भएपनि निर्बाचन,जुनसुकै पार्टीले जिते पनि अब त्यो जितलाई पार्टीगत जितको रुपमा हेरीनु हुदैन । माडी र माडीबासी जनताका मलभूत समस्या सबै माझ जगजाहेर छंदैछ । माडीबासी जनतालाई एकाकार गरि बिकाशको गतिलाई अगाडी बढाउनु अहिलेको आबश्यकता हो । यो सुनौलो अबसरलाई माडीबासीले सदुपयोग गर्न सकेनौ भने सधैका लागी माडीबासी पछाडी परिरहने छौ । अरुको कारणले गर्दा अहिले सम्म माडीबासी पछाडीनै छौ , अब पनि अगाडी बढ्न सकेनौ भने त्यस्को दोषी हामी स्वयम हुनेछौ ।

माडीबासी जनताले जिताएका जनप्रतिनिधीहरुले राजनितीक चस्मा खोलेर माडी र माडीबासी जनताको हितमा कामगर्ने सुनौलो अबसर जुटेको छ । यो अबसर सदुपयोग गर्न नसके भावी पुस्ताले हामीलाई धिक्कार्ने छ । अब माडीको बिकाश क्रम कसरी हुन्छ, त्यो हेर्न माडीबासी आतुर छन् । माडीबासीको प्रतिक्षाको घडि सकिएको छ । अब जनप्रतिनिधीहरुलाई कहा कसरी साथ दिनु पर्ने हो, त्यस्मा उनिहरु तयार छन् । निर्बाचनमा लिखित तथा मौखिक रुपमा दलहरुले जनतामा लगेका हरेक एजेन्डाका बुंदा-बुंदाहरु माडीबासीले आफ्नो मन मुटु र सिरानीमा च्यापेर बसेका छन् । अब माडीबासीले औला भांची भाची त्यस्को हिसाब अबस्य खोजी गर्ने छन् । त्यसैले अबको समय काम गरेर देखाउने पालो जनप्रतिनिधीको हो ।