भरतपुर,२७ जेठ । प्रवेशिका परीक्षा (एसईई) दिई बसेका विद्यार्थी लक्षित गरी आयोजित ‘पिजन मिस एसईई स्टार चितवन–२०१७’ फाइनल प्रतिस्पर्धा आज (शनिबार) हुँदैछ ।
दिउँसो नारायणगढको क्षेत्रपुरस्थित सनसिटी होटेल एण्ड व्याङ्क्वेटमा दिउँसो २ बजे सुरु हुने फाइनल प्रतिस्पर्धामा २८ जना विद्यार्थी सहभागी हुँदैछन् । लिभ एण्ड लिड इन्टरनेशनलको आयोजनामा भएको प्रतियोगितामा अन्तिम प्रतिस्पर्धाका लागि छनौट भएका २८ जनालाई करिब ४० दिनदेखि प्रशिक्षण दिइएको थियो । फाइनल प्रतिस्पर्धामा २८ जनाबाट टपटेन हुँदै टप फाइभबाट विजेता घोषणा गरिने आयोजक संस्थाका चितवन संयोजक निकेश बरालले जानकारी दिए ।
प्रतियोगिताको विजेता भोटिङ, टयालेन्ट प्रदर्शन र निर्णायकको निर्णयको आधारमा छनौट गरिने छ । यस्तै फाइनलमा ९ वटा विधामा सब–टाइटल विजेता घोषणा गरिने छ ।
फाइनल प्रतिस्पर्धाको निर्णायकमा पाइलट क्याप्टेन एवं कलाकार विजय लामा, नेपाली १९ वर्ष मुनिको क्रिकेट प्रक्षिक विनोद दास, समाजसेवी सरस्वती तिमिल्सना र युवा व्यवसायी चन्दन अग्रवाल छन् । प्रतियोगिताको विजेतालाई भने मिस चितवन सुमन गुरुङले ताज लगाइदिने आयोजकले जनाएको छ ।