मिस एसईई स्टारमा प्रतिभा प्रदर्शन

बुधबार, जेठ १७, २०७४ / ७ वर्ष अगाडि प्रकाशित

भरतपुर, जेठ १७ ।
पिजन मिस एसईई स्टार चितवन २०१७ को मंगलबार प्रतिभा प्रदर्शन कार्यक्रम भएको छ । प्रतियोगितामा फाइनलको लागि छनोट भएका २८ जना प्रतियोगिले प्रतिभा प्रदर्शन गरेका छन् ।
प्रतियोगिहरुले कार्यक्रममा नृत्य, नाटक, गायन, बक्तृत्वकलालगायतका प्रतिभा देखाएका थिए । प्रतियोगिहरुको प्रतिभाको निर्णायकहरु म्यानहन्ट नेपालका चन्दन अग्रवाल, शिक्षाका लागि सँगै अभियानका संयोजक नविन यादवलगायतले अवलोकन गरेका थिए । प्रतियोगिहरुलाई ३२ दिनको क्षमता अभिवृद्धिको तालिम पछि मंगलबार प्रतिभा प्रदर्शन कार्यक्रम गरिएको हो । प्रतियोगिताको फाइनल आगमी जेठ २७ गते हुने छ । फाइनलमा पाइलट क्याप्टेन विजय लामा आउने कार्यक्रम रहेको छ ।