नारायणगढ, जेठ १३
भरतपुर महानगरपालिका वडा नं. ३ का नवनिर्वाचित वडाध्यक्ष सहित सदस्यहरुलाई भानुनौघरे टोल विकास संस्था भरतपुर ३ ले बधाई तथा शुभकामना सहित सम्मान गरेको छ ।
नवनिर्वाचित वडाध्यक्ष चन्द्रमित्र पण्डित , सदस्यहरु रविन्द्र गौतम, भरत लामिछाने, ईन्दु पण्डित, सुकमाया परियार लाई एक कार्यक्रमको आयोजना गरि सम्मान गरिएको हो । कार्यक्रममा बोल्दै प्रमुख अतिथी समेत रहनुभएका वडाध्यक्ष चन्द्रमित्र पण्डितले वडाको समग्र विकास निर्माण लगायतका कार्य गर्न स्थानिय टोल विकास संस्थाहरुसंग समन्वय गरि कार्य गर्ने प्रतिवद्धता व्यक्त गर्नुभयो ।
उहांले लामो समयदेखि रिक्त स्थानिय निकायमा धेरै समस्याहरु रहेको बताउंदै उचित श्रोत र साधनको पहिचान गरि स्थानिय संघ संस्था , विद्यालय , पर्यटन लगायतका क्षेत्रको प्रवर्धन र संरक्षणका लागी समेत महत्वपुर्ण भुमिका निर्वाह गर्ने बताउनुभयो ।
कार्यक्रममा संस्थाका निवर्तमान अध्यक्ष तारामित्र पण्डित , पुर्व अध्यक्ष दधिराज वाग्ले , उपाध्यक्ष रामकृष्ण अर्याल, भगवती टोल विकास संस्थाका अध्यक्ष एवं चमेली निमावि व्यवस्थापन समितीका अध्यक्ष एक प्रसाद लामिछाने , प्रधानाध्यापक निर्मला श्रेष्ठ , भानुनौघरे आमा समुहकी सल्लाहाकार मन्जु पाण्डे लगायतले उनीहरुलाई बधाई तथा शुभकामना व्यक्त गर्नुभएको थियो ।
