भरतपुर,११ जेेठ।

विदेश पठाइदिने प्रलोभनमा पारेर मानव तस्करीमा लागेको आरोपमा १ जनालाई जिल्ला प्रहरी कार्यालय चितवनले जनाएको छ । फेसबुकमा साथी बन्न पुगेका व्यक्तिलाई विदेश पठाउने लोभ देखाउँदै देह व्यपारमा संलग्न भएको आरोपमा प्रहरीले बुधबार प्रहरीले पक्राउ गरेको हो ।
राप्ती नगरपालिका–८, खुरखुरेका ३० वर्षीय सरोज मैनाली विशेष सूचनाका आधारमा पक्राउ परेका जिल्ला प्रहरी कार्यालय चितवनले जानकारी दिए । प्रहरी निरीक्षक अञ्जना श्रेष्ठको कमाण्डमा खटिएको टोलीले पक्राउ गरेको हो । पक्राउ परेका मैनालीलाई जिल्ला अदालत चितवनले ७ दिनको म्याद थप गरी मानव बेचबिखन तथा ओसारपसार मुद्दामा अनुसन्धान कार्य सुरु गरेको जनाइएको छ ।
यस्तै नेपाली सेनामा जागिर लगाई दिने भनी रकम ठगी गर्ने एक जनालाई प्रहरीले पक्राउ गरेको छ । माडी–८ का विष्णुबहादुर सुनारलाई प्रहरीले पक्राउ गरेको हो । माडी–७ बस्ने दीपेन्द्र सुवेदीलाई सेनामा जागिर लगाइदिने प्रलोभन देखाउँदै २ लाख रुपैयाँ ठगी गरेको आरोप सुनारलाई लागेको छ । सुनार भरतपुरस्थित हाकिमचोकबाट १ लाख ५० हजारसहित पक्राउ परेका हुन् । थप अनुसन्धानका लागि चितवन जिल्ला अदालतबाट दिन ७ को म्याद थप गरी ठगी मुद्दामा अनुसन्धान सुरु भएको छ ।